Trees forget
Books forget
The circumlocutions of life
Everybody forgets,
The minutiae
The plans, the
Mighty schemes the
Hurrahs and effulgences
Poems forget
Stories forget
The little details, the vain
Glances of appreciation
The ephemeral validations
The ornaments of craft
Everyone forgets
Everything forgets
-
Anant Dhavale
रस्ते विसरतील
गावे विसरतील
जमिनी, विहिरी, शेते, बांध विसरतील
विकून टाकलेली घरे विसरतील
कविता विसरतील
गोष्टी विसरतील
जगण्याची आल्हाळपाल्हाळ
कवने विसरतील
ह्या फापटपसाऱ्यात
विसरून जातील बहुतेक आयुष्ये
चढ - उतार
खाच- खळगे
हे पूर ओसरतील तेंव्हा
उंचावून येतील
आपापल्या पतनांचे
मरण उंचवटे
—
अनंत ढवळे
दुरावलेल्या
भावंडांसारख
तुरळक-विरळ आहे आभाळ
त्यात
हे नंबर हरवल्यागत काही वाटण
म्हणजे
बंद झालेल्या जुनेराची
जाणीव होण्यासारख काही
असल पाहिजे
माध्यान्हीच उनाडपण
कडूलिंबाच्या
तुरळक सावलीत
विचार करत बसण्याजोग
मटकन बसून
ही घालमेल सुटत नाही
दगडमातीखडकांतल्या
दिवसांची
पहाड उतरून आहेत खोलवर आपल्या मनात
म्हणून या बेरंग दऱ्याखोऱ्यात काहीतरी
धुंडाळत जाण्यासारख
किंवा असच काहीतरी
—
अनंत ढवळे
हे लेखक- कलाकार
यडचाप
छंदीफंदी लोक
माणसाला माणूस ठेवणारे लोक
मोठी विपदा ही नाही की आजकाल उरलेच नाहीत
असे बेदरकार लोक -
ठाम भूमिका घेवू शकणारे लोक
भल्या-भल्याना वठणीवर आणणारे
साधेसुधे लोक
त्रासदी ही आहे, की ठार
गप्प बसून आहेत
कधीच गुमान न बसू शकणारे लोक.
—
अनंत ढवळे
काय मारून खात चालल आहे
दिवसेंदिवस
की आपण असे कणाकणाने मरत
जातो आहोत
हा आपल्या बघण्याचा होत जाणारा लोप आहे
अथवा सभोवती पसरून असलेल
द्वेष आणि हिंसेच
विष
रूतत चालल आहे
काळजात
खोलवर
आणखी खोलवर.
—
अनंत ढवळे
गझल संकलकांसाठी एक कायदेशीर सूचना - माझ्या कविता, हायकू आणि गझल माझ्या अधिकृत परवानगीशिवाय कुठल्याही ऑनलाईन माध्यमातून, मासिकातून, पुस्तकातून अथवा अन्य कुठल्याही माध्यमातून प्रकाशित करू नये.
शेरात सर्वनामांचा अतिरेक झाला की कवीची वृत्तपूर्तीसाठी धडपड सुरू आहे हे सहज लक्षात येते. विशेषत: अक्षरगणांमध्ये हे होताना दिसते.
