अल्गोरिदम

हा एक अल्गोरिदम माझ्याकडे
पाहून हसत असलेला

जगण्याचे गुणसूत्र वेडेवाकडे आकाशास भिडलेले
चल सोडवून बघूत,  सुटले तर

बाहू फैलावून  उभे विश्वाचे अफाट दार
दाराच्या दोन टोकांवर उभे आपण
अधेमध्ये  पसरून असलेले
गोष्टींचे असंख्य अपरिमेय  जाल


--
अनंत ढवळे

गझल

एकही तडा वा रेघ उमटली नाही
माझ्यात जगाची नाहक पडझड झाली

संपते कधी ही ओंगळवाणी स्पर्धा
येतात नवे उन्माद जुन्यांच्या जागी

इतक्यात जमा  झालेत एवढे  धागे
वाटते नव्याने जडण-घडण होणारी

चल बेट बनू या महासागरामधले
एरवी अर्थ सापडणे शक्यच नाही

धादांत नवे वैयर्थ्य उमजणे आले
इतक्यात संपली गतकाळाची पांधी


--

अनंत ढवळे