Friday, August 12, 2016

गझल

रात्र, तुझ्या डोळ्यांची जादू
गोष्ट चालली आहे लांबत

किती दूर आलेलो आपण
रमत- गमत वाटा धुंडाळत

रंग रूप उतरून चालले
ओळख जाते आहे हरवत

कसे तुझ्याशी संवादावे
तिथवर काही नाही पोचत

काय काय पडलेले मागे
उगाच बसलो आहे मोजत...


अनंत ढवळे

जुने शेर रिपोस्ट #१

खूप दूरवर आलो आपण असे वाटते वीतभराचा प्रवास निघतो मोजू बघता आसाभवती फिरत राहिलो जन्मोजन्मी तुला समजलो, कुठे समजली तुझी सहजता.. ...