Sunday, April 20, 2008

खिन्न शेते ....

पिके वाळलेली ,उभी खिन्न शेते
स्मशानाहुनी भासती खिन्न शेते

कितीदातरी सांडले रक्त आम्ही
कितीदातरी वाळली खिन्न शेते

कडूनिंब बांधावरी अश्रु ढाळे
कशाने अशी जाहली खिन्न शेते

असे मुक्तता आत्महत्याच ज्याची
धन्याची चिता पाहती खिन्न शेते

नवे हात आलेत राबावयाला
पुन्हा जोगवा मागती खिन्न शेते...

अनंत ढवळे

जुने शेर रिपोस्ट #१

खूप दूरवर आलो आपण असे वाटते वीतभराचा प्रवास निघतो मोजू बघता आसाभवती फिरत राहिलो जन्मोजन्मी तुला समजलो, कुठे समजली तुझी सहजता.. ...