Saturday, March 29, 2008

निरंतर खिन्नतेची रात्र होती
उभी डोळ्यात काळी रात्र होती


अशा नात्यास कुठले नाव द्यावे
तुझ्या माझ्यात ढळती रात्र होती


कथा माझ्या तुझ्या संपून गेल्या
कधी ना संपणारी रात्र होती....


फरक हा दृष्टीकोणांचा असावा
तुझा जो दिवस माझी रात्र होती....



जिथे बघतो तिथे वाटाच वाटा
अजब संभावनेची* रात्र होती


--

अनंत ढवळे

(संभावना - शक्यता )
कसा तुझ्या ओंजळीत गेला
दिवा समुद्रात सोडलेला

कुठे दिसेनाच स्वच्छ पाणी
जिथे तिथे गाळ साचलेला..

अशा उदासीन मध्यरात्री
घरापुढे कोण थांबलेला..

नवीन वाटांवरी निघालो,
धरून हाती परंपरेला ...

अनंत ढवळे

('मूक  अरण्यातली पानगळ' ह्या गझल संग्रहातून)

सिनिकल माणसाचं इतिवृत्त

तुम्ही जगता - मौजमजा करता  मग यथावकाश मरता तुमच्या जागी दुसर कुणीतरी येत जग सुरू राहात काहीही बदलत नाही काहीही बदलणार नाही काही बदलण अपेक्षि...