Saturday, March 29, 2008

निरंतर खिन्नतेची रात्र होती
उभी डोळ्यात काळी रात्र होती


अशा नात्यास कुठले नाव द्यावे
तुझ्या माझ्यात ढळती रात्र होती


कथा माझ्या तुझ्या संपून गेल्या
कधी ना संपणारी रात्र होती....


फरक हा दृष्टीकोणांचा असावा
तुझा जो दिवस माझी रात्र होती....



जिथे बघतो तिथे वाटाच वाटा
अजब संभावनेची* रात्र होती


--

अनंत ढवळे

(संभावना - शक्यता )

No comments:

स्वरांत यमक

स्वरकाफिया, स्वरयमक असे न म्हणता स्वरांत यमक म्हणणे अधिक योग्य ठरेल...