२

दुरावलेल्या 

भावंडांसारख

तुरळक-विरळ आहे आभाळ

त्यात

हे नंबर हरवल्यागत काही वाटण

म्हणजे 

बंद झालेल्या जुनेराची 

जाणीव होण्यासारख काही 

असल पाहिजे

माध्यान्हीच उनाडपण

कडूलिंबाच्या 

तुरळक सावलीत 

विचार करत बसण्याजोग

मटकन बसून

ही घालमेल सुटत नाही

दगडमातीखडकांतल्या 

दिवसांची

पहाड उतरून आहेत खोलवर आपल्या मनात

म्हणून या बेरंग दऱ्याखोऱ्यात काहीतरी

धुंडाळत जाण्यासारख

किंवा असच काहीतरी

—

अनंत ढवळे 

1

 हे लेखक- कलाकार 

यडचाप 

छंदीफंदी लोक

माणसाला माणूस ठेवणारे लोक

मोठी विपदा ही नाही की आजकाल उरलेच नाहीत 

असे बेदरकार लोक - 

ठाम भूमिका घेवू शकणारे लोक

भल्या-भल्याना वठणीवर आणणारे 

साधेसुधे लोक 

त्रासदी ही आहे, की ठार

गप्प बसून आहेत 

कधीच गुमान न बसू शकणारे लोक.

—

अनंत ढवळे