दुरावलेल्या
भावंडांसारख
तुरळक-विरळ आहे आभाळ
त्यात
हे नंबर हरवल्यागत काही वाटण
म्हणजे
बंद झालेल्या जुनेराची
जाणीव होण्यासारख काही
असल पाहिजे
माध्यान्हीच उनाडपण
कडूलिंबाच्या
तुरळक सावलीत
विचार करत बसण्याजोग
मटकन बसून
ही घालमेल सुटत नाही
दगडमातीखडकांतल्या
दिवसांची
पहाड उतरून आहेत खोलवर आपल्या मनात
म्हणून या बेरंग दऱ्याखोऱ्यात काहीतरी
धुंडाळत जाण्यासारख
किंवा असच काहीतरी
—
अनंत ढवळे
No comments:
Post a Comment