Tuesday, March 28, 2017

गझल

अर्धे- मुर्धे , कच्चे - पक्के सगळे काही
ह्या बाजारी विकले गेले सगळे काही
उगाच नाही बेचैनी ही वाटत जाते
चुकलेले आठवते आहे सगळे काही
रिक्तपणाचे मूळ शोधणे शक्य नसावे
संदेहाच्या ठायी विरते सगळे काही
आग्रह माझा की नाही काहीही माझे
हट्ट तुझा की माझे आहे सगळे काही
रस्ता-रस्ता पडले आहे आज शिराळे
प्रेम तुझे आहे की सरले सगळे काही
--
अनंत ढवळे


No comments:

सिनिकल माणसाचं इतिवृत्त

तुम्ही जगता - मौजमजा करता  मग यथावकाश मरता तुमच्या जागी दुसर कुणीतरी येत जग सुरू राहात काहीही बदलत नाही काहीही बदलणार नाही काही बदलण अपेक्षि...