Tuesday, December 15, 2015

रेखेची वाहाणी

रेखेची वाहाणी
॰॰॰॰

हे म्हणणं
की आपण चाललोच नाही
अफाट समुद्राच्या लाटांवरून

किंवा हे
की लगडू आलेत डहाळ्यांवर
नवे हंगाम

सुटलेच नाहीत खोलवर रुतून
बसलेले प्रश्न
की
पडल्याच नाहीत विवंचना
रस्तोरस्ती पसरलेल्या


अजब द्वंद्वात अडकून पडलेली
आजची रात्र
वाहात जाते आहे
रेषेरेषेतून
अमर्याद

--

 अनंत ढवळे


No comments:

जुने शेर रिपोस्ट #१

खूप दूरवर आलो आपण असे वाटते वीतभराचा प्रवास निघतो मोजू बघता आसाभवती फिरत राहिलो जन्मोजन्मी तुला समजलो, कुठे समजली तुझी सहजता.. ...