किंचित..
मी इतिहासाचा एखादा सांधा बहुधा
माझ्यावरती गतकाळाचा ताबा बहुधा
तुझियासाठी किंचित रडलो आणि वाटले
या ही कर्तव्यातुन झाली सुटका बहुधा
उगाच क्षणभर सळसळली हिरमुसली झाडे
धुळारल्या पानांवर पडला तारा बहुधा
ही नात्यांची गजबज, हा पाला पाचोळा
मरण असावे निर्जनतेचा वारा बहुधा
दुनियेचा व्यापार पहावा, स्वस्थ बसावे
माझ्यासाठी एकच रस्ता उरला बहुधा
अनंत ढवळे
गझल
स्वातंत्र्य दिवस, समाज, आपण इ.इ. + पुढे गेलेत जे जाणार होते कुढत बसलेत जे उरलेत मागे तसे आश्चर्य नाही यात काही पुढे गेलेत जे जाणा...
-
माझ्या संग्रहातले काही शेर/एक मतला इ. : ++ मी माझ्या या हातांनी पेटवले ज्या वस्त्यांना आलीत पुन्हा भेटाया त्या विस्मरणांची नावे तृष्...
-
समुद्र किनार्‍यावर बसून लाटांचे बनणे - फुटणे बघणे हा जितका आनंददायी अनुभव आहे तितकाच विलक्षणही. हे चित्र बघणारा अनेक गोष्टींमध्ये हरवून ...
-
++ पहाटेची नीरवता तांबडं फुटण्याची आसमंती वेळ ++ दूरवर काही खूडबूड सुरू होते आहे दिवसाची लगबग ++ ह्या नंतर सूरू होतील कितीतरी गोष्टी दिवसा...
1 comment:
सर्वच शेर अप्रतिम झालेत.
आवडली गझल. :)
Post a Comment