एक लाईट गझल
--
उगा रेंगाळण्याची मौज होती
अहेतुक बोलण्याची मौज होती
जुने संदर्भ, दरवाजे, कमानी
शहर धुंडाळण्याची मौज होती
कधी सरसावुनी बाह्या जराशा
धमक अजमावण्याची मौज होती
उन्हातान्हात मिरवत स्वस्त गॉगल
दिवस थंडावण्याची मौज होती
तसे कारण खरे काहीच नव्हते
जुने धुडकावण्याची मौज होती
कसे लक्षात इतके राहिलेले ?
खुणा सांभाळण्याची मौज होती
--
अनंत ढवळे
--
उगा रेंगाळण्याची मौज होती
अहेतुक बोलण्याची मौज होती
जुने संदर्भ, दरवाजे, कमानी
शहर धुंडाळण्याची मौज होती
कधी सरसावुनी बाह्या जराशा
धमक अजमावण्याची मौज होती
उन्हातान्हात मिरवत स्वस्त गॉगल
दिवस थंडावण्याची मौज होती
तसे कारण खरे काहीच नव्हते
जुने धुडकावण्याची मौज होती
कसे लक्षात इतके राहिलेले ?
खुणा सांभाळण्याची मौज होती
--
अनंत ढवळे
No comments:
Post a Comment