Saturday, October 31, 2015

द टॅंकमेन

द टॅंकमेन

तसा हा काळ
साम्यवादासाठी अनुकूल नाही
पण चालूच असतात
डोक्यातले मोर्चे आणि हरताळी

नापिकी, आत्महत्या
असहिष्णुता
अजूनही आहेतचकी उरलेली
चळवळींसाठी पूरक कारणे;
रस्त्यावर येवून
नुसत्या हातांनी
रणगाडे थोपवून धरण्याइतपत धैर्य दाखवण्याची

पण आपणही अजब साम्यवादी आहोत
दिवसरात्र घरात बसून
चमकदार फोनवर
निषेधाची भडक बावटी फडकावणारे ....

अनंत ढवळे

No comments:

सिनिकल माणसाचं इतिवृत्त

तुम्ही जगता - मौजमजा करता  मग यथावकाश मरता तुमच्या जागी दुसर कुणीतरी येत जग सुरू राहात काहीही बदलत नाही काहीही बदलणार नाही काही बदलण अपेक्षि...