Monday, October 19, 2015

गझल

खोळ बनते आपले कळणे असे
जे जसे असते उरत नाही तसे

ह्या जमीनींवर कुणाची मालकी ?
वारसे नसतात तुमचे वारसे

जे समजले आणि जाणवले तुला
त्यापुढे नसतेच काही फारसे

ह्या भ्रमातच लावले आख्यान मी
ऐकण्यासाठीच जग बनले जसे !

अनंत ढवळे

98230 89674
anantdhavale@gmail.com

1 comment:

Vishal Rajguru said...

समजले जाणवले भन्नाट

1

डेपणात रंग गवसले किती-तरी थोडे उजाडताच हरवले किती-तरी संदर्भहीन होत चाललेत चेहरे येतो विचार लोळ निववले किती-तरी रेंगाळलो जराच खिन्नते...