Saturday, September 3, 2016

गझल

रात्र, तुझ्या डोळ्यांची जादू
गोष्ट चालली आहे लांबत


किती दूर आलेलो आपण
रमत- गमत वाटा धुंडाळत


रंग रूप उतरून चालले
ओळख जाते आहे हरवत



कसे तुझ्याशी संवादावे
तिथवर काही नाही पोचत



काय काय पडलेले मागे
उगाच बसलो आहे मोजत...


--
अनंत ढवळे


(ह्या गझलेत मतला नाही)

ट्रेन

लोक कधीचे तयार बसून आहेत सामान-सुमान बांधून इथून पळ काढण्यासाठी ट्रेन नेहमीप्रमाणे आजदेखील दोन तास लेट आहे - अनंत ढवळे ...