Sunday, September 27, 2015

एक कविता

एक कविता
****
तर ही तीच विवंचना आहे
जी तू आणि मी वेगवेगळ्या जगांमध्ये राहून अनुभवतो आहोत
आपल्या सभोवती व्यापून असलेलं जग
जितकं आभासी तितकंच खरं
शारिरिक वेदनेइतकं ठसठशीत
आपापल्या जगात होरपळून निघतात माणसं
प्रत्येकाची एक कथा, एक चरित्र आहे
आपण भेटलो नसूत बर्याच वऱ्षांमध्ये
आणि ह्या दरम्यान साधी खबरबात देखील मिळालेली नाही
काय काय घडून गेलंय ह्याची
पण मी समजू शकतो
गोष्टी घडत जातात
आणि शंभरातले नव्व्याणव
वाहत जातात गोष्टींसोबत
कुठल्याही संघर्षाशिवाय 

अनंत ढवळ

No comments:

ट्रेन

लोक कधीचे तयार बसून आहेत सामान-सुमान बांधून इथून पळ काढण्यासाठी ट्रेन नेहमीप्रमाणे आजदेखील दोन तास लेट आहे - अनंत ढवळे ...