Wednesday, July 22, 2015

बोल

बोल
....
अंधारा दिवस
आभाळ झाकळे
मनावर चढे
जशी ओल

येथून तिथे हा
चालला कारवां
आपल्या सोबत
थंड वारा

दिसू म्हणे वाट
धूके दिसू नेदी
अजब झगडा
चाललेला

म्हणू म्हणे बोल
म्हणू दे न कोणी
बोल बसलेला
गोंधळून

इथे तिथे घुमे
आपला आवाज
ऐकू ये न काही
दूर दूर

बाहेर पडले
आतले संदेह
आकाशाला गेले
लगबग


चल वाहू शब्दे
आपले कथन
भरो येई जन्म
भरू दे बा...

अनंत ढवळे

स्वरांत यमक

स्वरकाफिया, स्वरयमक असे न म्हणता स्वरांत यमक म्हणणे अधिक योग्य ठरेल...