मला फारसं वाईट वाटलं नाही
याचं फार वाईट वाटून घेऊ नकोस
अनेकदा आपला ताबा नसतो
गोष्टींवर
तू रडू नकोस या भिरभिरणाऱ्या पाचोळ्याकडे पाहून
- की एक दिवस गोष्टीतला साधू म्हणाला होता त्याप्रमाणे
हे ही संपून जाईल
दिवस बदलत जातात
आपल्या वयासोबत वाढत जातं आपलं न वाईट वाटलेपण
मला आनंद होतो निरागस हसणारी मुलं पाहून
एखादं हिरवंगार झाड पाहून
खिडकीत बसलेला पारवा पाहून
मला असं सतत वाटत राहतं की
एवढं नक्कीच पुरेसं असावं
एक जन्म काढण्यासाठी.
अनंत ढवळे
याचं फार वाईट वाटून घेऊ नकोस
अनेकदा आपला ताबा नसतो
गोष्टींवर
तू रडू नकोस या भिरभिरणाऱ्या पाचोळ्याकडे पाहून
- की एक दिवस गोष्टीतला साधू म्हणाला होता त्याप्रमाणे
हे ही संपून जाईल
दिवस बदलत जातात
आपल्या वयासोबत वाढत जातं आपलं न वाईट वाटलेपण
मला आनंद होतो निरागस हसणारी मुलं पाहून
एखादं हिरवंगार झाड पाहून
खिडकीत बसलेला पारवा पाहून
मला असं सतत वाटत राहतं की
एवढं नक्कीच पुरेसं असावं
एक जन्म काढण्यासाठी.
अनंत ढवळे
