१.
तू कवी नाहीस
तू जुळवून आणले आहेस
शब्दांचे जुगाड
जे पडेल कोसळून
अशात कधीही
२.
ही दुपार
असेल बोधीवृक्षाची सावली
किंवा रणरणते उन
पोस्टमन आलेला असेल
पत्र घेवून
किंवा नसेलही
३.
हे रस्ते भलतेच संशयी आहेत
किंवा ही वेळच तशी असावी
मघाशी
बथ्थड काळही
सामील झालेला
दिसला
रस्त्यांना
४.
ही इथून तिथवर
पसरलेली
अपरंपार गर्दी
गर्दीसोबत जिवंत झालेला
तू ही
५.
नोंदी संपल्यात.
--
अनंत ढवळे
No comments:
Post a Comment