एक जुनी गझल

ठाव घेतो कोण जन्माचा असा
रंग नाही एकही ज्याचा असा

एक आत्मियताच असते शेवटी
काढला मी अर्थ प्रेमाचा असा

आणते वाहून जे भेटेल ते
वाहण्याचा धर्म पाण्याचा असा

आपल्या सोबत वळावी वाटही
हट्ट आहे चालणाऱ्याचा असा

एकदा जे सोडले ते सोडले
खेद करणे व्यर्थ मोहाचा असा

-

अनंत ढवळे

1

 काय बघतोस सारखे मागे 

चाललेला पुढे प्रवाहो हा 

वाट संपेल ठीक जगण्याची 

आपल्यातील पंथ चालो हा

-

अंनत ढवळे